له‌ رێوره‌سمێكدا به‌ ئاماده‌بوونی سه‌رۆكی هه‌رێمی كوردستان و سه‌رۆكی په‌رله‌مان و سه‌رۆكی ئه‌نجومه‌نی دادوه‌ری رێوره‌سمی تایبه‌ت به‌ راسپاردنی مه‌سرور بارزانی بۆ پێكهێنانی كابینه‌ی نۆیه‌می حكومه‌تی هه‌رێمی كوردستان به‌ڕێوه‌چوو.

له‌ رێوره‌سمه‌كه‌دا كه‌ هه‌ریه‌ك له‌ به‌ڕێزان د. ڤالا فه‌رید سه‌رۆكی په‌رله‌مانی كوردستان و دادوه‌ر به‌نگین قاسم محه‌مه‌د سه‌رۆكی ئه‌نجومه‌نی دادوه‌ری ئاماده‌ ببوون، به‌ڕێز نێچیرڤان بارزانی به‌ فه‌رمانی هه‌رێمی ژماره‌ 1ی ساڵی 2019 و به‌ پێی بڕگه‌ی 12ه‌هه‌می ماده‌ی ده‌یه‌م له‌ یاسای سه‌رۆكایه‌تی هه‌رێمی كوردستان ژماره‌ یه‌كی ساڵی 2005ی هه‌موار كراو پاڵپشت به‌ بڕیاری په‌رله‌مانی كوردستان ژماره‌ 7ی ساڵی 2019 له‌ دانیشتنی ژماره‌ 8له‌ 11\6\2019 بڕیاری دا به‌ راسپاردنی به‌ڕێز مه‌سرور بارزانی وه‌ك سه‌رۆكی ئه‌نجومه‌نی وه‌زیران بۆ پێكهێنانی كابینه‌ی نوێی حكومه‌تی هه‌رێمی كوردستان.