به‌ڕێز دادوه‌ر به‌نگین قاسم محه‌مه‌د سه‌رۆكی ئه‌نجومه‌نی دادوه‌ری هه‌رێمی كوردستان بۆ كۆچی دوایی د. فرسه‌ت سۆفی پارێزگاری هه‌ولێر په‌یامێكی سه‌ره‌خۆشی راگه‌یاند ئه‌مه‌ ده‌قی په‌یامه‌كه‌یه‌:

به‌ناوی خوای به‌خشنده‌و میهره‌بان

به‌داخه‌وه‌ هه‌واڵی كۆچی دوایی د. فرسه‌ت سۆفی، پارێزگاری هه‌ولێرمان پێگه‌یشت. خوالێخۆشبوو مرۆڤێكی دڵسۆز و به‌ ئه‌مه‌ك بوو و جێ په‌نجه‌ی دیار بوو له‌ ته‌واوی ئه‌و قۆناغانه‌ی كه‌ كارو ئه‌رك و به‌رپرسیارێتی هه‌بوو، چ له‌ په‌رله‌مان و دواتریش وه‌ك پارێزگاری هه‌ولێر. خوالێخۆشبوو نمونه‌ی كه‌سێكی دڵسۆز و ده‌سپاك بوو و له‌ ئه‌ركه‌كانیدا چ وه‌ك ئه‌ندامی په‌رله‌مانی كوردستان و ئه‌ندامی لیژنه‌ی چاكسازی و دواتر وه‌ك پارێزگاری هه‌ولێر، رۆڵێكی كارا و چالاكی له‌  په‌یوه‌ندی و هه‌ماهه‌نگی له‌گه‌ڵ ئه‌نجومه‌نی دادوه‌ری هه‌بوو.

له‌ خوای به‌خشنده‌ ده‌پاڕێینه‌وه‌ گیانی خوالێخۆشبوو به‌ به‌هه‌شتی به‌رین شاد بكات و ئارامی و دڵنه‌واییش به‌ خانه‌واده‌و خزم و كه‌سوكارو ته‌واوی دۆست و هه‌ڤاڵانی ببه‌خشێت.

          انا لله و انا الیه راجعون

دادوه‌ر

به‌نگین قاسم محه‌مه‌د

سه‌رۆكی ئه‌نجومه‌نی دادوه‌ری هه‌رێمی كوردستان

18/11/2020