ئەمڕۆ 12\6\2023 له‌ رێوره‌سمێكدا به‌ ئاماده‌بوونی بەڕێز دادوه‌ر عبدالجبار عزیز حسن سەرۆکی ئەنجومەنی دادوەری و جێگر و ئەندامانی دادگای پێداچوونەوەی هەرێم، بەبۆنەی خانەنشینبوونی دادوەر لەتیف عوسمان رەشید (جێگری سەرۆکی ئەنجومەنی دادوەری)، خەڵاتی رێزلێنانی پێشکەش کرا.

لە رێورەسمەکەدا، سەرۆکی ئەنجومەنی دادوەری سوپاسی دادوەر لەتیف عوسمانی کرد له‌به‌رامبه‌ر ئه‌رك و ماندووبوونی له‌پێناو چه‌سپاندنی دادپه‌روه‌ری كه‌ بە ئەمانەت و دڵسۆزییەوە ئەرک و بەرپرسیارێتی خۆی له‌ هه‌موو قۆناغه‌كانی كاركردنی له‌ دادگاكاندا جێبەجێ کردووە.

هەروەها سه‌رۆكی ئه‌نجومه‌نی دادوه‌ری ئاماژه‌ی به‌وه‌ دا كه‌ خانەوادەی دادوەری، ئەندامێکی لێهاتوو و دڵسۆزی خۆی لەدەست دەدات و هیوای تەمەندرێژی و سەرکەوتنیشی بۆ خواست لە قۆناغی نوێی ژیانیدا.

لای خۆیەوە، دادوەر لەتیف عوسمان سوپاسی سەرۆک و جێگر و ئەندامانی دادگای پێداچوونەوە کرد بۆ رێورەسمی رێزلێنان و رایگەیاند شانازی بەوە دەکات کە لە ماوەی کارکردنیدا لە ئەنجومەنی دادوەری وەک تیمێکی بەهێز و هەماهەنگ پێکەوە کاریان کردووە له‌پێناو جێبه‌جێكردنی یاسا و به‌دیهێنانی دادپه‌روه‌ری.

لەکۆتایی رێورەسمەکەشدا خەڵاتی رێزلێنان لەلایەن سەرۆکی ئەنجومەنی دادوەری بە دادوەر لەتیف عوسمان بەخشراو هیوای سەرکەوتنیان بۆ خواست.