ئه‌مڕۆ به‌ڕێز دادوه‌ر عبدالجبار عزیز حسن سه‌رۆكی ئه‌نجومه‌نی دادوه‌ریی هه‌رێمی كوردستان پێشوازی كرد له‌ مه‌ولوود یاقوت كۆنسولی گشتی توركیا له‌ هه‌رێمی كوردستان.

له‌ دیدارێكدا چوارچێوه‌كانی كاری هاوبه‌ش و هه‌ماهه‌نگی نێوان توركیاو هه‌رێمی كوردستان گفتوگۆیان له‌سه‌ر كرا. له‌و باره‌یه‌وه‌ سه‌رۆكی ئه‌نجومه‌نی دادوه‌ریی ئاماده‌یی ئه‌نجومه‌ن و دادگاكانی هه‌رێمی كوردستان بۆ هاوكاری و هه‌ماهه‌نگی هاوبه‌ش له‌گه‌ڵ كۆنسولخانه‌ی توركیا له‌ چوارچێوه‌ی یاساكانی عێراق و هه‌رێمی كوردستان ته‌ئكید كرده‌وه‌.

لای خۆیه‌وه‌ كۆنسولی گشتی توركیا له‌ هه‌رێمی كوردستان وێڕای ده‌ربڕینی خۆشحالی خۆی به‌و سه‌ردانه‌ سوپاسی سه‌رۆكی ئه‌نجومه‌نی دادوه‌ریی كرد بۆ هاوكاری و هه‌ماهه‌نگیان له‌گه‌ڵ كۆنسولخانه‌ی توركیا‌ له‌ هه‌موو بواره‌كاندا به‌ تایبه‌ت بواری یاسایی و دادوه‌ری ته‌ئكید كرده‌وه‌و هه‌ردوولا هاورا بوون له‌سه‌ر به‌هێزكردنی په‌یوه‌ندیی دادوه‌ریی له‌نێوان توركیاو هه‌رێمی كوردستان به‌ پێی یاسا به‌ركاره‌كان.