له‌ رۆژانی 21/6/2026 تاكو 27/6/2027 شاندێكی هاوبه‌شی ئه‌نجومه‌نی دادوه‌ریی و وه‌زاره‌تی دادی هه‌رێمی كوردستان سه‌ردانی به‌ریتانیایان كرد و له‌گه‌ڵ ژماره‌یه‌ك دامه‌زراوه‌ی فه‌رمی ئه‌و وڵاته‌ بۆ به‌ره‌نگاربوونه‌وه‌ی تاوانی رێكخراو و بازرگانی كردن به‌ مرۆڤ كۆبوونه‌وه‌.

له‌و سه‌ردانه‌دا، شاندی ئه‌نجومه‌نی دادوه‌ریی و وه‌زاره‌تی داد كه‌ له‌ ژماره‌یه‌ك دادوه‌ریی دادگاكانی لێكۆڵینه‌وه‌ی ئاسایشی هه‌ولێر، سلێمانی و دهۆك و راوێژكار پێكهاتبوو، له‌گه‌ڵ ژماره‌یه‌ك داموده‌زگا یاسایی و كۆچ و كۆچبه‌ران و تایبه‌ت به‌ رووبه‌ڕووبوونه‌وه‌ی تاوانی رێكخراو و بازرگانی كردن به‌ مرۆڤ كۆبوونه‌وه‌.

 له‌ دانیشتنه‌كاندا هاوكاریی و هه‌ماهه‌نگی هاوبه‌ش له‌نێوان داموده‌زگا په‌یوه‌ندیداره‌كانی هه‌ردوولا بۆ به‌ره‌نگاربوونه‌وه‌ی ئه‌و جۆره‌ تاوانانه‌ و سوودوه‌رگرتن له‌ ئه‌زمون و هاوكاریی به‌ریتانیا بۆ رووبه‌ڕووبوونه‌وه‌ی ئه‌و تاوانانه‌ گفتوگۆیان له‌سه‌ر كراو ته‌ئكیدیش له‌سه‌ر به‌رده‌وامیی ئه‌و هه‌ماهه‌نگییه‌ كرایه‌وه‌.