ئه‌نجومه‌نى دادوه‌رى هه‌رێمى كوردستان

ئه‌نجومه‌نی دادوه‌ری تاقیكردنه‌وه‌یه‌كی نوێ بۆ دامه‌زراندنی دادوه‌ر راده‌گه‌یه‌نێت

12/05/2013
2144جار خوێندراوه‌ته‌وه‌

ئه‌نجومه‌نی دادوه‌ری هه‌رێمی كوردستان رایگه‌یاند رۆژی هه‌ینی 14/6/2013 خولێكی دیكه‌ی تاقیكردنه‌وه‌ بۆ دامه‌زراندنی دادوه‌ر له‌ دادگاكانی هه‌رێمی كوردستان ئه‌نجام ده‌دات.
دوای ئه‌وه‌ی ئه‌نجومه‌نی دادوه‌ری هه‌رێمی كوردستان له‌ ساڵی رابردوو رایگه‌یاند خولێكی دیكه‌ی تاقیكردنه‌وه‌ بۆ وه‌رگرتنی دادوه‌ر ئه‌نجام ده‌درێت، ژماره‌یه‌كی زۆر داواكاری بۆ به‌شداری كردن له‌و تاقیكردنه‌وه‌یه‌ پێشكه‌ش كران و دوای وردبینی كردنی دۆسیه‌كانی پێشكه‌ش كراو، ئه‌نجومه‌نی دادوه‌ری لیستی ناوی ئه‌وانه‌ی ناویان بۆ تاقیكردنه‌وه‌ی به‌نووسین ده‌رچووه‌، رایگه‌یاند.
له‌ كۆی (352) داوای پێشكه‌ش كراو بۆ به‌شداری كردن له‌ تاقیكردنه‌وه‌دا، ناوی (270) كه‌س كه‌ خزمه‌تی دادوه‌ریی و به‌ڵگه‌نامه‌كانیان ته‌واوه‌، ده‌رچووه‌و هه‌روه‌ها ناوی (82) كه‌سی دیكه‌ به‌هۆی ئه‌وه‌ی چه‌ند مه‌رجێكی یاسایی له‌ خزمه‌ت و به‌ڵگه‌كانیان ناته‌واوه‌ راگه‌یه‌نراوه‌.
ئه‌نجومه‌نی دادوه‌ری هه‌روه‌ها راگه‌یاند كه‌ ئه‌وانه‌ی ناویان بۆ به‌شداری كردن له‌ تاقیكردنه‌وه‌دا هاتووه‌ پێویسته‌ رۆژی هه‌ینی 14/6/2013 كاتژمێر (9:00)ی سه‌رله‌به‌یانی له‌ هۆڵی (مه‌دره‌ج) له‌ كۆلیژی یاسا/زانكۆی سه‌لاحه‌دین له‌ هه‌ولێر ئاماده‌ بن بۆ ئه‌نجامدانی تاقیكردنه‌وه‌كه‌.
هه‌روه‌ها له‌ راگه‌یه‌نراوه‌كه‌دا ده‌ڵێ ئه‌وانه‌ی ناویان نه‌گه‌ڕاوه‌ته‌وه‌ به‌هۆی نه‌بوونی مه‌رجه‌ یاساییه‌كان مافی تانه‌لێدانیان هه‌یه‌ له‌لایه‌ن ئه‌نجومه‌نی دادوه‌رییه‌وه‌ له‌ ماوه‌ی رۆژانی 12/5/2013 تاكو 19/5/2013.

ده‌قی نووسراوه‌كه‌:

بەدواداچوون / داواکانی هاتوو لە دادگاکانی تێهەڵچوونەوە

سەرۆکی ئەنجومەنی دادوەری

● سه‌رۆك و ئه‌ندامانی دادگای پێداچوونه‌وه‌
● پێکهاتەی ئەنجومەنی دادوەری

, , , |

بەدواداچوون / داواکانی هاتوو لە دادگاکانی تێهەڵچوونەوە

فەیسبووکی ئەنجومەنی دادوەری:

شوێنی ئەنجومەنی دادوەری: